ٹیکس چوری کی اطلاع دینے پر انعام کا اعلان
لاہور(ویب ڈیسک ) محکمہ ایکسائز پنجاب نے ٹیکس چوری روکنے کیلئے پراپرٹی ٹیکس کی چوری کی نشاندہی کرنے والوں کو انعام دینے کا اعلان کردیا، یہ انعام جرمانے کی رقم کا 20 فیصد تک ہوگا۔
ایکسائز حکام کے مطابق شہری اور ایکسائز ملازمین ٹیکس چوری کی اطلاع دے کر انعامی رقم حاصل کر سکیں گے، یہ بھی واضح کیا گیا کہ ٹیکس چوری کرنے والوں کو چوری کیے گئے ٹیکس کے برابر جرمانہ بھی ادا کرنا پڑے گا جبکہ اطلاع دینے والوں کا نام صیغہ راز میں رکھا جائے گا۔
ایکسائز، ٹیکسیشن اینڈ نارکوٹکس کنٹرول ڈیپارٹمنٹ کی جانب سے انعام دینے کی اسکیم وسل بلور سکیم کی تجویز دی گئی تھی۔ صوبائی کابینہ نے انعامی اسکیم وسل بلور سسٹم کی منظوری دے دی ہے۔ نئی سکیم کے لئے رولز میں ترامیم کی سمری جلد بھجوائی جائے گی۔
حکام کے مطابق وسل بلور سکیم کا رواں مالی سال کے اختتام تک آغاز کردیا جائے گا۔
About The Author
