امریکی صدر ٹرمپ نے کولمبیا کیخلاف پابندیوں کا اعلان کردیا

واشنگٹن (ویب ڈیسک) مریکا سے آنے والے تارکین وطن کو قبول کرنے سے انکار پر ڈونلڈ ٹرمپ نے کولمبیا کیخلاف سخت ردعمل کا اظہار کیا ہے اور کولمبیا کی حکومت اور ان کے حامیوں پر ویزا پابندیاں عائد کرنے کا اعلان کیا ہے۔

غیر ملکی خبر رساں ایجنسی کے مطابق کولمبیا کے صدر نے کہا ہے کہ امریکا سے آنے والے تارکین وطن کے کسی طیارے کو اپنی سرزمین پر اترنے نہیں دیں گے۔کولمبیئن صدر نے امریکا سے آنے والے 160 تارکین وطن کو واپس بھی روانہ کیا ہے۔

بعدازاں اپنے بیان میں ڈونلڈ ٹرمپ کا کہنا تھا کہ کولمبیا کے حکومتی عہدیداروں پر سفری پابندیاں لگا رہے ہیں جبکہ کولمبیا پر جلد مالیاتی پابندیاں بھی عائد کریں گے۔ڈونلڈ ٹرمپ نے کہا کہ کولمبیا کے سامان پر ہنگامی طور پر 25 فیصد ٹیرف نافذ کر رہے ہیں اور ایک ہفتے میں ٹیرف 50فیصد تک بڑھا دیں گے، کولمبیا نے تارکین وطن کو واپس کر کے امریکی قومی سلامتی کو خطرے میں ڈال دیا ہے، ابھی شروعات ہے آگے اور بھی بہت کچھ ہوگا۔