ڈمپل کی وجہ پلاسٹک سرجری، اس کے علاوہ ہانیہ عامر نے جسم کے کن حصوں کی سرجری کروائی؟ نیا معمہ

کراچی (ویب ڈیسک)اداکارہ ہانیہ عامر کو پاکستان شوبز انڈسٹری کی خوبصورت ترین اداکاراؤں میں سے ایک تصور کیا جاتا ہےاور مداح ان کے چہرے پر پڑنے والے ڈمپل کے بھی فین ہیں لیکن اب ایک معروف ڈرماٹالوجسٹ نے دعویٰ کیا ہے کہ یہ ڈمپل قدرتی نہیں بلکہ پلاسٹک سرجری کی وجہ سے ہیں۔

حال ہی میں ڈاکٹر اریج خالد نے نجی ٹی وی کے مارننگ شو میں شرکت کی جہاں انہوں نے پاکستانی اداکاراں کی جانب سے اپنی خوبصورتی کو بڑھانے کیلئے چہرے پر کی جانے والی پلاسٹک سرجریز کے حوالے سے گفتگو کی۔

انہوں نے کہا کہ ہانیہ عامر کے گالوں پر پڑنے والے ڈمپل پلاسٹک سرجری کی وجہ سے ہیں، اس کے ساتھ ساتھ ناک کی سرجری بھی کی گئی ہے، اس کے علاوہ ہونٹوں اور ٹھوڑی کی سرجری بھی کی گئی ہے۔

ڈاکٹر اریج خالد نے مزید کہا کہ گالوں کو لفٹ کرنے اور آئی برو میں بھی تبدیلی کی گئی ہے لیکن ہانیہ عامر کا رنگ قدرتی طور پر گورا ہے اور وہ بہت خوبصورت اداکارہ ہیں۔