شارک نے نوجوان لڑکی کو مار ڈالا
سڈنی ( ویب ڈیسک ) مشرقی آسٹریلوی جزیرے پرتیراکی کرنے والی 17 سالہ لڑکی کو شارک نے مار ڈالا۔
آسٹریلوی حکام نے بتایا کہ ملک میں صرف 5 ہفتوں کے دوران شہریوں کی ہلاکت کا باعث بننے والا تیسرا حملہ ہے۔ایمبولینس سروس کے ترجمان نے بتایا کہ لڑکی کو ریاستی دارالحکومت برسبین سے تقریبا 50 کلومیٹر ( 30 میل) دور واقع بریبی جزیرے پر دوپہر کے وقت تیراکی کے دوران شارک نے کاٹا،شارک کے حملے کے باعث لڑکی کے جسم کے اوپری حصے میں شدید زخم آئے تھے۔
کوئینز لینڈ پولیس کے ترجمان نے کہا کہ لڑکی شدید زخموں کی تاب نہ لاتے ہوئے تقریبا 15 منٹ بعد دم توڑ گئی۔
About The Author
