الیکشن میں عمران خان کی طرف سے کوئی نام بھی فائنل نہ کیے جانے کا انکشاف، نیا تنازعہ کھڑا ہوگیا
اسلام آباد(ویب ڈیسک)پی ٹی آئی خیبرپختونخوا کے صدر جنید اکبرنے انکشاف کیا ہے کہ الیکشن 2024 کے لیے کوئی نام بانی پی ٹی آئی نے فائنل نہیں کیا، ان کے نام پر کس نے لسٹیں فائنل کیں ،تحقیقات ہونی چاہئیں۔
نجی ٹی وی چینل کے پروگرا م میں جنید اکبر نے انکشاف کرتے ہوئے کہا کہ الیکشن 2024 کے لیے کوئی نام بانی پی ٹی آئی نے فائنل نہیں کیا، ہمیں بتایا گیا تھا ایم این ایز اور ایم پی ایز کے لیے نام بانی نے فائنل کیے لیکن میں نے جب بانی سے پوچھا تو انھوں نے جواب دیا میرے پاس کوئی لسٹ نہیں آئی۔ان کا کہنا تھا کہ بانی کے نام پر ایم این ایزاورایم پی ایزکی کس نے لسٹیں فائنل کیں، اس کی تحقیقات ہونی چاہئیں، بانی پی ٹی آئی کے پیغامات ملتے ہیں اور معلوم ہے کہ وہ کیا چاہتے ہیں، بیرسٹرگوہر یاکسی اورنیابھی تک احتجاج سے متعلق بریف نہیں کیا۔
جنید اکبر نے کہا کہ ہوسکتا ہے کچھ لوگ چاہتے ہوں میرے اور گنڈاپور کے درمیان اختلافات ہوں لیکن علی امین گنڈا پور اور میں ایک پیج پر ہوں یا نہیں لوگ بانی کیساتھ ہیں، لوگ میرے لیے نہیں بانی پی ٹی آئی کیلئے جلسے میں آئیں گے۔
بشری بی بی سے متعلق سوال پر کے پی صدر نے کہا کہ بشری بی بی سے ایک ہی ملاقات 25 نومبر کی رات ہوئی تھی، بشری بی بی نے کہا کہ آپ نے میرے ساتھ ڈی چوک جانا ہے، جس پر بشری بی بی کو میں نے کہا کہ کوئی جائے یا نہیں ہم ساتھ جائیں گے۔
About The Author
