امریکی خاتون کو وطن واپسی پر آمادہ کرلیاگیا
کراچی(ویب ڈیسک)امریکی قونصلیٹ کے عملے نے امریکی خاتون کو وطن واپسی پر آمادہ کرلیا اورخاتون کی ریٹرن ٹکٹ کا بندوبست کیا جا رہا ہے۔
مقامی میڈیا کے مطابق ہسپتال میں امریکی قونصلیٹ کے عملے کو جناح ہسپتال کے میڈیکل بورڈ کے سربراہ پروفیسر چنی لال نے ایک گھنٹے تک مریضہ سے متعلق بریفنگ دی۔ ڈاکٹر نے امریکی قونصلیٹ کے عملے کو بتایا کہ مریضہ کی طبیعت پہلے سے کافی بہتر ہے، ہسپتال داخلے کے وقت طبی ٹیسٹ کرانے پر مریضہ کا ہیموگلوبن صرف 4 تھا تاہم خون کے 3 پیک لگائے گئے تو اب مریضہ کا ہیمو گلوبن 9 ہوگیا ہے جب کہ نفسیاتی مرض بائی پولر ڈس آرڈر کو کنٹرول کرنے کے حوالے سے ان کی حرکات اور سکنات کو مسلسل مانیٹر کیا جا رہا ہے اور ادویات بھی دی جارہی ہیں۔
جناح ہسپتال کے ترجمان جہانگیر درانی نے بتایا کہ امریکی قونصلیٹ کے عملے کو مریضہ کو اب تک دی جانے والی ادویات اور ٹیسٹوں کے حوالے سے تفصیلی بریفنگ دی گئی، مریضہ کے دیگر طبی مسائل پر بھی کسی حد تک بہتری آئی ہے،11 فروری سے پہلے ہسپتال سے ڈسچارج کردیا جائے گا۔
About The Author
