پرینیتی چوپڑا نے اپنی کزن پریانکا چوپڑا کے ساتھ اختلافات ختم

ممبئی (ویب ڈیسک) بالی ووڈ اداکارہ پرینیتی چوپڑا نے اپنی کزن پریانکا چوپڑا کے ساتھ اختلافات کو ختم کردیا۔

بھارتی میڈیا کے مطابق پرینیتی اور پریانکا کے درمیان اختلافات کی یہ افواہواہیں اس وقت دم توڑ گئیں جب وہ پریانکا کے بھائی سدھارتھ چوپڑا کی شادی میں اپنے شوہر راگھو چڈھا کے ہمراہ شریک ہوئیں۔

شادی کی تقریب میں پہنچتے ہوئے پرینیتی اور راگھو کو خوشگوار موڈ میں دیکھا گیا۔ تقریب کے لیے پرینیتی نے روایتی انداز اپناتے ہوئے ایک سرخ بلاؤز، جیکٹ اور ایک ایتھنک اسکرٹ پہنا، جبکہ راگھو نے آف وائٹ کرتا اور براؤن جیکٹ زیب تن کی۔

پرینیتی نے ورمالا کی رسم کی ایک ویڈیو انسٹاگرام اسٹوری پر شیئر کرتے ہوئے لکھا’ معاہدہ پکا ہوگیا‘۔ ویڈیو میں سدھارتھ اور ان کی دلہن کو ایک دوسرے کو مالا پہناتے ہوئے دیکھا جا سکتا ہے۔ اس موقع پر پریانکا، ان کے شوہر نک جونس اور والدہ مدھو چوپڑا بھی سٹیج پر موجود تھے۔