پاکستان کرپشن میں مزید "ترقی” کرگیا، ٹرانسپیئرنسی انٹرنیشنل کی رپورٹ جاری
نیویارک(ویب ڈیسک) ٹرانسپیئرنسی انٹرنیشنل نے کرپشن پرسپشن انڈیکس2024جاری کردیا جس کے مطابق کرپشن میں مزید اضافے کے باعث پاکستان دنیا کا 46 واں کرپٹ ترین ملک بن گیا۔
تفصیل کے مطابق کرپٹ ممالک کی رینکنگ میں پاکستان کا 135واں نمبر ہے، اس طرح پاکستان دنیا کا 46 واں کرپٹ ترین ملک بن گیا۔
گزشتہ سال دو درجے تنزلی کے بعد درجہ تنزلی،کرپشن پرسپشن انڈیکس میں پاکستان کا سکور 100میں سے 27 ہوگیا۔2023 میں پاکستان کا 180ممالک میں133واں نمبرتھا،2024 میں پاکستان کا 180 ممالک میں135واں نمبر ہے ۔
رپورٹ کے مطابق پاکستان میں کرپشن پرسپشن انڈیکس کا ڈیٹاجمع کرنے کیلئے 8ذرائع استعمال کئےگئے۔ ورائٹیزآف ڈیموکریسی پروجیکٹ میں پاکستان کی تنزلی ہوگئی، پاکستان کا سکور20سےکم ہوکر14ہوگیا۔
بھارت کرپٹ ممالک کی فہرست میں96نمبرپر ہے، بھارت پاکستان سے39درجے بہتر ہے۔ڈنمارک سب سے کم بدعنوان ممالک میں سرفہرست ہے، سب سے کم کرپشن والے ممالک میں فن لینڈ دوسرے اور سنگاپور تیسرے نمبر پر ہے۔
سب سے کرپٹ ممالک میں جنوبی سوڈان، صومالیہ اور وینزویلاشامل ہیں، ایران،عراق اور روس میں بھی کرپشن میں اضافہ ہوگیا۔ روس میں بھی کرپشن میں اضافہ،154نمبر ہے۔ افغانستان کرپٹ ممالک کی فہرست میں165ویں نمبرپر، بنگلادیش کرپٹ ممالک کی فہرست میں 151 ویں نمبرپر موجود ہے۔ ایران151اورعراق کا140واں نمبر ہے۔
About The Author
