ترک صدر نے شہبازشریف اور آصف زرداری کو الیکٹرک کار تحفہ میں دے دی
اسلام آباد (ویب ڈیسک) پاکستان کے دورے پر آئے ترک صدر رجب طیب اردوان نے صدر مملکت آصف علی زرداری اور وزیر اعظم شہباز شریف کو ترک ساختہ الیکٹرک کار کا تحفہ دیا ہے۔
تفصیل کے مطابق وزیر اعظم شہباز شریف نے ترک الیکٹرک کار خود ڈرائیو کی اور ترک صدر اُن کے برابر والی نشست پر بیٹھے۔
ترک صدر نے صدر مملکت کو بھی گاڑی کا تحفہ دیا، خاتون اول آصفہ بھٹو زرداری نے گاڑی ڈرائیو کی اور رجب طیب اردوان آصفہ بھٹو کے ساتھ فرنٹ سیٹ پر بیٹھے جبکہ صدر آصف علی زرداری پیچھے والی نشست پر موجود تھے۔حکام نے تحفے پر مہمان صدر کا شکریہ ادا کیا۔
ترک صدر رجب طیب اردوان نے پاکستان آنے سے قبل اپنے دورہ ملائیشیا کے دوران ملائیشیا کے صدر کو بھی ترک ساختہ الیکٹرک کار کا تحفہ دیا تھا۔
About The Author
