اڈیالہ جیل کے گیٹ پر فواد چوہدری اور بیرسٹر شعیب شاہین کے درمیان لڑائی، تھپڑ پڑگئے
راولپنڈی (ویب ڈیسک) پاکستان تحریک انصاف (پی ٹی آئی) کے رہنماؤں کے درمیان لڑائی کا واقعہ پیش آیا جس دوران گالم گلوچ کے علاوہ تھپڑ بھی چلے ۔
نجی ٹی وی چینل کے مطابق اڈیالہ جیل کے گیٹ نمبر 5 پر فواد چوہدری اور بیرسٹر شعیب شاہین کے درمیان لڑائی ہوگئی۔ اس موقع پر فواد چوہدری نے بیرسٹر شعیب شاہین کو تھپڑ مار دیا، جس سے وہ زمین پر گر گئے جبکہ ایک دوسرے کو گالیاں بھی دیں۔
فواد چوہدری نے شعیب شاہین سے کہا تم ایجنسیوں کے ٹاؤٹ ہو، جس پر شعیب شاہین نے فواد چوہدری سے کہا کہ اپنے کام سے کام رکھو۔لڑائی کے موقع پر موجود جیل عملے نے دونوں کے درمیان بیچ بچاؤ کرایا اور لڑائی سے چھڑایا۔بعد ازاں فواد چوہدری اڈیالہ جیل کے اندر چلے گئے جبکہ تھپڑ لگنے اور نیچے گرنے سے شعیب شاہین کے بازو پر چوٹ آنے کی اطلاعات ہیں۔
About The Author
