گجرات میں نامعلوم افراد کی گاڑی پر فائرنگ، 6 نوجوان قتل، پولیس نے دشمنی کا نتیجہ قرار دیدیا
گجرات (ویب ڈیسک) پنجاب کے ضلع گجرات میں نامعلوم افراد کی ویگو ڈالے پر فائرنگ کے نتیجے میں کم از کم چھ افراد جاں بحق ہوگئے ، مرنیوالوں کی عمریں 25 سے 35 سال کے درمیان ہیں۔
پولیس کے مطابق ڈنگہ میں مسلح افراد نے سیاہ رنگ کی ویگو گاڑی پر فائرنگ کی جس کے نتیجے میں ایک ہی گاؤں سے تعلق رکھنے والے 6 افراد موقع پر جاں بحق ہوگئے۔ مرنے والوں کی شناخت زاہد ناظم، مبشر، زنیر، جاوید اقبال، رخسار اور ایک نامعلوم سے ہوئی ہے۔
پولیس نے واقعے کو دیرینہ دشمنی کا شاخسانہ قرار دیتے ہوئے لاشوں کو ضابطے کی کارروائی کیلیےہسپتال منتقل کردیا جبکہ جائے وقوعہ سے شواہد اکٹھے کرلیے گئے ۔
اُدھر آئی جی پنجاب نے واقعے کا نوٹس لیتے ہوئے ڈی پی او سے رپورٹ طلب کی اور ملزمان کی گرفتاری کیلیے تمام وسائل بروئے کار لانے کی ہدایت کردی۔
About The Author
