کرناٹکا میں اسرائیلی خاتون سیاح کے ساتھ اجتماعی زیادتی

نئی دہلی (ویب ڈیسک) بھارت میں اسرائیلی خاتون سیاح کو اجتماعی زیادتی کا نشانہ بنادیا گیا۔

بھارتی میڈیا کے مطابق جمعرات کی رات 2 خواتین کو اجتماعی زیادتی کا نشانہ بنایا گیا جن میں 27 سالہ اسرائیلی خاتون سیاح اور ان کی ایک ساتھی شامل ہے۔

یہ واقعہ اس وقت پیش آیا جب دونوں خواتین بنگلورو سے 350 کلو میٹر دور کوپال کینال کے علاقے میں موجود تھیں اور ان کے ہمراہ 3 دیگر مسافر بھی تھے۔

پولیس کے مطابق ملزمان نے خاتون کو زیادتی کا نشانہ بنانے سے قبل 3 مسافروں کو کینال میں دھکا دیا جن میں ایک امریکی شہری اور 2 بھارتی شہری شامل تھے، کینال میں گرنے کے بعد ایک بھارتی شہری ڈوب کر ہلاک ہوا جب کہ دیگر 2

نے تیر کر اپنی جان بچائی۔
پولیس کے مطابق زیادتی کا نشانہ بنائی جانے والی اسرائیلی خاتون سیاح کو اسپتال میں طبی امداد فراہم کی جارہی ہے۔ خاتون نے اپنے ابتدائی بیان میں بتایا کہ پہلے انہیں تشدد کا نشانہ بنایا گیا جس کے بعد ملزمان نے اس سے مبینہ اجتماعی زیادتی کی۔

پولیس کا کہنا ہےکہ واقعے کا مقدمہ درج کرلیا گیا ہے ۔