عمران خان مردم شناس انسان نہیں ہیں، شاندانہ گلزار نے اعتراف کرلیا
اسلام آباد(ویب ڈیسک)پاکستان تحریک انصاف (پی ٹی آئی) کی رہنما شاندانہ گلزار نے اعتراف کیا ہے کہ بانی پی ٹی آئی عمران خان مردم شناس انسان نہیں ہیں ،انہیں لوگوں کی پہچان نہیں ہے، ہم سے عہدوں کا درست انتخاب کرنے میں غلطیاں ہوئی ہیں ۔
ایک انٹرویو میں ان سے سوال کیا گیا کہ پی ٹی آئی کے اندر شیروانی گینگ کون ہے ؟ جس پر شاندانہ گلزار نے جواب دیا کہ جس دن مجھے ثبوت ملے گا میں ایسے لوگوں کو خود ایکسپوز کروں گی۔
شیر افضل مروت کو پارٹی سے نکالے جانے سے متعلق شاندانہ گلزار کا کہنا تھا کہ مجھے خواتین کا شیر افضل مروت کہا جاتا ہے ، مروت کے ساتھ جو ہوا وہ افسوسناک ہے، جتنی قربانیاں مروت نے دیں موجودہ قیادت میں سے کسی نے نہیں دیں، مروت کو ان ڈسپلن کہا جاتا ہے ، پی ڈی ایم کی ہر پارٹی چاہتی ہے مروت ان کے پاس چلا جائے ،مروت کو بہت غصہ ہے مگر ابھی غصے کا وقت نہیں ہے ۔
ایک اور سوال پر انہوں نے کہا میری امیدیں ٹرمپ سے نہیں خان اور پاکستانی عوام سے ہیں ۔تحریک انصاف کے دور حکومت میں آئی ایم ایف کے پاس جانے سے متعلق سوال کا جواب دیتے ہوئے شاندانہ گلزار کا کہنا تھا کہ اگر اسد عمر وزیر خزانہ ر ہتے ہم کبھی آئی ایم ایف کے پاس نہ جاتے۔
About The Author
